Forval að samkeppni um listaverk við nýjan Landspítala
NLSH stendur fyrir lokaðri samkeppni um listaverk þar sem myndlistarmönnum býðst kostur á að taka þátt í forvali að samkeppni um listaverk. Samkeppnissvæðið er Sóleyjartorg, aðalaðkomutorg meðferðarkjarnans, ásamt anddyri byggingarinnar. Sóleyjartorg nær frá aðalbyggingu gamla Landspítalans yfir að miðgötu svæðisins, Burknagötu.
Í samkeppninni er lögð er áhersla á að listaverkið verði hluti af heildarhönnun almenningsrýmisins í kringum nýja Landspítalann og verði áberandi kennileiti svæðisins. Með listaverkum er átt við hvers konar fasta og lausa listmuni, svo sem veggverk unnin beint á veggi, lágmyndir, höggmyndir og aðra listræna fegrun. Sérstaklega er óskað eftir tillögum að listaverkum sem geta verið eiginlegur byggingarhluti, að hluta eða í heild, og órjúfanlegur hluti af byggingunni eða umhverfi hennar.
Morgunblaðið fjallar um 30.4 um listaverkasamkeppnina þar sem rætt er við Gunnar Svavarsson, framkvæmdastjóra NLSH um þetta skemmtilega verkefni.