Önnur verkefni

Sjúkrahúsið á Akureyri (SAk) er annað tveggja sérgreinasjúkrahúsa landsins og veitir bæði almenna og sérhæfða heilbrigðisþjónustu með áherslu á bráðaþjónustu og helstu sérgreinameðferðir. Sjúkrahúsið er kennslusjúkrahús og vinnur að rannsóknum í heilbrigðisvísindum.

Austan við meðferðarkjarnann verður torg, Sóleyjartorg, og aðalinngangur meðferðarkjarnans er frá torginu. Undir torginu verður bílakjallari á tveimur hæðum og verða þar um 180 bílastæði fyrir þau sem eru að sækja þjónustu eða að koma í heimsóknir. Bílakjallarinn verður staðsettur milli meðferðarkjarna og fyrirhugaðrar byggingar dag-, göngu- og legudeildar Landspítalans austan við torgið.

Lóðin og gatna- hjóla- og göngustígakerfi hennar tengir saman starfsemi bygginganna. Tekið er tillit til margra þátta við hönnun lóðarinnar og henni er ætlað að hafa jákvæð áhrif á sjúklinga sem dveljast á spítalanum. Lóðin verður hagkvæm í rekstri og hönnunin tekur mið af því að um hana fara sjúklingar með ólíkar þarfir hvað varðar samgöngur.

Grensásdeild er endurhæfingardeild Landspítala, en þangað koma sjúklingar til endurhæfingar eftir að hafa lokið meðferð á öðrum deildum spítalans. Algengast er að sjúklingar komi í sérhæfða sjúkra- og iðjuþjálfun, talþjálfun eða viðtöl og meðferðir hjá fjölmörgum sérfræðingum endurhæfingardeildarinnar.

Núverandi húsnæði Grensásdeildar er komið til ára sinna og styður ekki við nýjustu þekkingu og þróun hjálpartækja og búnaðar í endurhæfingu mænuskaðaðra og mikið slasaðra einstaklinga. Byggja á um 4.400m2 nýbyggingu sérsniðna fyrir þjálfunarstarfsemi Grensásdeildar og nýja legudeild, en einnig verður þar nýr matsalur og ýmis önnur samverurými ásamt tilheyrandi stoðrýmum.

Heilbrigðisvísindasvið Háskóla Íslands gegnir lykilhlutverki í menntun heilbrigðisstétta á Íslandi, en þar starfa margir af fremstu sérfræðingum landsins í heilbrigðisvísindum við kennslu og rannsóknir.

Önnur verkefni félagsins ná til uppbyggingar stoðbygginga Landspítala svo sem eldhúss, vörumóttöku og flokkunarstöðvar. NLSH vann ítarlega greiningu á ástandi núverandi húsnæðis spítalans sem er um 150.000 m2.