Heimsókn sendiherra Bretlands á Íslandi til NLSH

Í síðustu viku heimsótti Dr Bryoni Mathew sendiherra Bretlands á Íslandi framkvæmdaskrifstofur NLSH ásamt föruneyti.

Á fundinum var farið yfir stöðu framkvæmda á vegum félagsins með sérstaka áherslu á innkaup búnaðar og lækningatækja fyrir meðferðarkjarna og rannsóknahús.

Ásdís Ingþórsdóttir verkefnastjóri á hönnunarsviði sá um kynninguna ásamt Björgu Guðjónsdóttur og Ólafi Halldórssyni á tækni – og þróunarsviði.

Mörg erlend sendiráð á Íslandi hafa heimsótt NLSH á síðustu árum og fengið kynningu á framkvæmdaverkefnum félagsins.